خطوة – Khutwa هو يوم كامل مخصص لصحة ورفاهية المرأة… يوم نبطّأ فيه شوية، نسمع لأنفسنا، ونتعلم أشياء جديدة عن أجسامنا وحياتنا بطريقة خفيفة وممتعة.

في خطوة، هنجتمع مع مجموعة من المتخصصين والخبراء علشان نتكلم بصراحة عن مواضيع تهم كل بنت وست: من الصحة الجسدية والنفسية، للصحة الإنجابية، لفهم أعمق لجسمنا ودوراتنا الشهرية. هتكون مساحة آمنة نقدر نسأل فيها الأسئلة اللي غالبًا بنكسف نسألها.

كمان هيكون عندنا جلسة عن حب الذات والأنوثة نفتح فيها نقاشات حقيقية عن تجارب النساء والبنات في مصر، ونخلق مع بعض سردية جديدة وأكثر وعيًا عن علاقتنا بنفسنا وبأجسامنا.

لكن خطوة مش بس معلومات…

هو يوم تجربة كاملة.

هتقدري تختاري بين ورشتين ممتعتين:

ورشة صناعة الإكسسوارات

Yoga لتحرير الأنوثة مع Osana Wellness

وخلال اليوم هيكون في جلسة عن الوعي المالي وتمكين المرأة ماليًا بالتعاون مع Thunder، علشان نتعلم إزاي نبني استقلالنا المالي بخطوات بسيطة وواضحة.

كمان هيكون في activations وهدايا من براندات مختلفة، بالإضافة إلى مشاركة مستشفى أهل مصر لنشر الوعي حول دعم الناجين من الحروق.

خطوة ببساطة هو يوم علشان:

تلبسي اللي يريحك…

تحسي إنك جميلة…

تتعرفي على نساء ملهمات…

وتخرجي بإلهام ومعرفة وطاقة جديدة.